يوم من غزة

موضوع: يوم من غزة 31/01/09, 06:40 pm

مسا الخير....كيفكم شباب وصبايا ......انا نضال الغزاوى شاب من قطاع غزه ايه ولسانى عايش متل ماانتم
متتحملونىشايفين بدى احكى معكم شوى اذا مافى مانع ولو فى مانع اوكى بردو رح احكى

اليوم هو العشرين من الاجتياح الاسرائيلى للقطاع

كنا نشوف اغلب القصف على التلفزيون هالوقت صار قدامنا مباشر طول الليل الدنيا تضوى وتطفى متل الالعاب الناريهبس العالم الالعاب الناريه عندها من الارض للسما الافى غزه من السما للارض اهم وصلوا تل الهوى يعنى بشيكل ويكونو عندنا بالبيت قاعد عالكمبيوتر واهلى كلهم مجتمعين قالبين محللين سياسيين وعاملين غرفه عمليات مشتركه ومستغربين انى قاعد عالنت على اساس انو الواحد بحرب لازم افضل قاعد الطم تلات اسابيع قاعدين بالدار لا طلعه ولانزله ولاشغله ولا مشغله مافيش كهربا ولامى من كتر الزهق من القعده الواحد بيتحير شو يسوى

مرات اعد البلاط ومرات اعد كسرات الستاره واحيانا بقعد العب بالجوال اذا فيه بطاريه ماعلينا الحلو بالموضوع انه شلوموبتبين حنيته وقت الحرب بقولك حفاظا على رفاهيه الشعب اعطونا تلات ساعات تهدئه باليوم اواحد يعمل فيهم اللى بده اياه واحلى مافيهم انهم مشكلين يوم من واحده لاربعه ويوم من تمانيه لعشره وبقولك احزر الفتره تاعت بكرا واتصل على رقم تلات تمنيات اتنين صفر تكسب جايزه والله الواحد بتحير ايش يسوى فيهم مسافه مايفكر لوين يطله على اساس انو ضل فى مكان نروحله يكونو خلصوا اليوم قعدت افكر افكر افكر ايش بدى اعمل لقيت احسن شى اعمله انى انام لان صوت القصف الوزنانات يخليش الواحد يعرف يغمض عينه الواحد يحس انو فى واحد بيخرم فى نافوخه بمقدح طول ماانا قاعد باسمع صوت صاروخ قريب او صاروخ بعيد يابحس بهزه وبدينا نسمع بمناطق غريبه يقصفوها مره مقبره ومره قاعات افراح زومره عماره سكنه ومره دار مهجوره ومره مكان قصفوه قبل هيك للتاكيد يعنى بالمناسبه بدى اتقدم بشكر للطيار اللى بقصف لانو بحدف صاروخ صغير عالدار قبل مايجيبها نصين بالصاروخ اللى بعده شايفين الانسانسه لوين وبتقولو عنهم عاطلين يعنى اللى مايصيده الصاروخ الاول معاه خمس دقايق ينفد فيهم بجلده قبل لايجى اجله بالصاروخ التانى الاعمار بيدالله الواحد عنده يقين انه كل شىء بامر الله عالغم بانو الواحد بضل يخاف زى ال لما يسمع صوت صاروخ بس الانو الخوفمن ان الطيار تحلو دارنا بعينه ويمزعنا صاروخ بحجه الغسيل اللى على السطح باثر على زنانات طيارته ديما بحاول اواسى احالى بالمقوله اللى بتقول ماتخفش من صوت الرصاص لان لرصاصه اللى هتموتك مو رح تسمع صوتها بس هامقوله بتنطبقش على الصواريخ ولا ايش رايكم اكتر شىء باتكيف عليه لما يرن تلفون الدار بنصير نتقاتل انا واخواتى مين يرد عشان نحكى مع الناس اللى بتصلوا من دول العربيه كل واحد حظه بطلع الاتصال من المغرب الجزائر مصر السعوديه او يطلع واحد من جيش الدفاع ويطلع الشب بيحزرك انه يكون عندك سلاح او بتتعامل مع المقاومه بس اليوم حسيت انو فش تليفون بكل غزه الا تلفونا ماسكتش وهو يرن الو سلام عليكم وعليكم السلام معك فلانه من ليبيا الله معكم الله ينصركم الله يقويقكم سلمىياحجه ادعولناالله ينصركم ويحفظكم يلا سلام عليكم وعليكم السلام

هاد عينه من المكالمات الى بتوصلنا مع انها صغيره وفهاش رغى وطق حنك الا بتحسس الواحد انو مش لحاله وفى حد معاه وياحبيبى لو خلال المكالمه نزل صاروخ ولا الخمسميه تاعت الاباتشى اشتغل شوف العياط على التليفون وبدل ماهمايصبروك ويهدو فيك تصير انت تهدى فيهم وتسكتهملااا ولشغله الجديده اللى غيظانى قصه الفسفور اناطول عمرى بسمع انه الفسفور بالسمك وانه مفيد للى شو اسمه مدريش وكل ماالواحد ياكل سمك يحس حاله يضوى من الفسفور بس هون الوضع مختلف فسفور صح يخليك تضوىيعنى اول ماتيجى عليك قذيفه فسفوروتهب فيك النار حيصير اللى يشوفك يقولك منور ياحج الله يلطف فينا طبعا وقت الفراغ الواحدبحاول يستغله باشى مفيدانا استغليته بالرياضه رياضه جديده وهى رياضه براميل المى اول ماافتح عنيا على طول بمارس الرياضه اليوميه بطلع على سطح الدار بتفقد براميل المى وقديش ضل عندنا طبعا عن طريق الدقدقه على البراميل الواحد صارت اذنه موسيقيه وصار من كتر الدقدقه على البراميل يعرف اذا كان مليان او فاضى طبعا هادى الكل ب عرفها بس الجديد واللى كتسبته بالخبره انه لوكان البرميل مليان بعرف اكم لتر ميا فيه انا لقيت حالى لهالوقت عايش قلت اكتبلكم احكيلكم عن وضعنا بكره يمكن اكون عايش بس مش قادر اكتب او مش عايش من اصلو ادعولنا وادعو تنحل هاد القصه على خير

ادعو للمقاومين وللشهدا وادعو للجرحى وادعو للناس الله يصبرها ادعو للكل ولو ضل معكم وقت ادعولى اصير غنى ونشوفكم على خير

[/center]

موضوع: رد: يوم من غزة 31/01/09, 09:17 pm

اللهم انصر الاسلام والمسلمين وارحمنا وارحم اموات المسلمين
اللهم اشفى كل جريح وصبر اهل كل شهيد او فقيد

موضوع: رد: يوم من غزة 31/01/09, 10:49 pm

موضوع: رد: يوم من غزة 01/02/09, 09:30 am

موضوع: رد: يوم من غزة 01/02/09, 10:23 am

يسلمو هنون على مرورك الكريم الله يصبر اهل غزه ويرحم شهدائهم ويغنيك اخوى نضال

موضوع: رد: يوم من غزة 01/02/09, 10:25 am

يسلمو اخت مسلمه لمرورك الكريم نورتى الصفحه ويارب اكون عند حسن ظن الجميع........اللهم اجعل كيد اعدائك فى نحورهم

موضوع: رد: يوم من غزة 01/02/09, 10:32 am

احلى سما نورت موضوعى والله انتم اجمل اصحاب ويارب الجاى يكون احسن .......اللهم الحقنا بشهدائك فى جنانك

موضوع: رد: يوم من غزة 01/02/09, 02:34 pm

شيء محزن أننا بنشوف إخوننا في غزة

بيموتوا ونحن مو قادرين نفعل شي

اللهم إنصرهم وفك الحصار عنهم ودمر الأعداء الصهاينة الظالمين

شكرا لكي دمعه على الموضوع

لاتحزن معاك الله يااعظم شعب لاتحزن بعون الله يهون الصعب لاتبكي ياغزة على حالك من حقك ترفعي راسك بأبطالك وخلي الجبنى يشوفوا اطفالك ما سلموا للخوف بعز الرعب بعز الرعب
يوم من غزة 081215153446oL7W

دمتم بخير

موضوع: رد: يوم من غزة 24/07/09, 01:21 am