انصحِك آنستي للحفاظ على خطيبِك

آنستي العزيزة.. لو ربنا فك عقدتك.. واتخطبتي
.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه
.. إلى مثوااااه الأخير في قفص النسانيس.. قصدي قفص الزوجية السعيد..

[s ize=21] انصحِك آنستي للحفاظ على خطيبِك 13

أجمل ما في الخطوبة العزومات الرومانسية..
على أحلى محلات أكل ف البلد.. واللي عمرك مانتي شايفاها بعد الجواز.
انصحِك آنستي للحفاظ على خطيبِك 13

. المهم نصائحي لك عند أي عزومة مع خطيبك.. قلنا رقَّه ... .

1- الأول لازم تعرفي إن الشوكة والسكينة بيتمسكوا من إيديهم من الطرف
يعني مش م الوسط ولا م البوز زي الخنجر ولا من فوق طبعًااا
انصحِك آنستي للحفاظ على خطيبِك 13

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري
.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.
. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....
انصحِك آنستي للحفاظ على خطيبِك 13

3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص..
ومن غير ماتقعدي تنفخي فيها.. زي القهوجي اللي بينفخ ف الحجر للزبون..
وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....
انصحِك آنستي للحفاظ على خطيبِك 13

4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.
. إوعي.. الرز بالشوكة.. وكأنك بتبوسيه مش بتاكليه..
انصحِك آنستي للحفاظ على خطيبِك 13

5- المكرونة.. الاسباكتي.. برضه بالشوكة.. تتلف على طرف الشوكة..
لحد ما تخلص وبعدين تحطيها ف بؤك من سكات.. مش تشفطي المكرونة عود عود..

انصحِك آنستي للحفاظ على خطيبِك 13

6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص
.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة
بالشوكة والسكينة وحطيها ف جنب الطبق وكملي أكل النص التاني..
وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..
انصحِك آنستي للحفاظ على خطيبِك 13

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.
. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟
وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت

انصحِك آنستي للحفاظ على خطيبِك 13

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ.
..بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..
انصحِك آنستي للحفاظ على خطيبِك 13

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة..
وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي

انصحِك آنستي للحفاظ على خطيبِك 13

ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-..
وتقولي له مش ممكن.. أنا عمري ما اتفجعت كدة..
أنا أودامي أسبوع.. هابطل أكل فيه.....

انصحِك آنستي للحفاظ على خطيبِك 13

وبعدين تمسكي الفوطة اللي دايمًا موجودة ع التربيزة من غير لازمة..
وتبوسيها.. آل يعني بتمسحي بؤك..

انصحِك آنستي للحفاظ على خطيبِك 13

وبعدين تستأذني منه لدخول التواليت لإصلاح ماكياجك.. وتخشي التواليت وتطلعي من شنطة إيديك.
لفة الفول والطعمية اللي جايباها معاكي.. وبالهنا والشفااااااااا

انصحِك آنستي للحفاظ على خطيبِك 13

[/size]