اكرم ضيفك...........

موضوع: اكرم ضيفك........... 03/09/09, 01:48 am

إكرم ضيفك في رمضان

اكرم ضيفك........... Baa7r-9bc83741f4

من حق الضيف إكرامه
وخصوصا وقت صيامه
يبقى المعزوم قدامه
حاجة تفرّح بصحيح
اكرم ضيفك........... Www.uaekeys.com26

النشا ويّا البروتين
والسلطة كتير فيتامين
والمشروب للتسخين
والحلو يكون تفاريح
اكرم ضيفك........... Www.uaekeys.com26

إن كان فيه رز كفاية
وبلاش مكرونة وصاية
ده بيفطر موش في رواية
ولاّ في حصة تعريف
اكرم ضيفك........... Www.uaekeys.com26

بالمشويات والمقلي
غير المسلوق والمغلي
وطعام من بحري وقبلي
واصناف الشتا في الصيف
اكرم ضيفك........... Www.uaekeys.com26

في لساني ولا تنساني
خلّي الإكرام رمضاني
أكل لواحد ربّاني
ها يصلي ويبقى خفيف
اكرم ضيفك........... Www.uaekeys.com26

محتاج الصوم لإرادة
إيّاك تنسى إنه عبادة
والتقوى تكون في زيادة
نحتاج ثورة تصحيح
اكرم ضيفك........... Www.uaekeys.com26

يبقى البروتين نوع واحد
وطعام على قد الواحد
والكل يقوم ويساعد
ست البيت في التنضيف
اكرم ضيفك........... Www.uaekeys.com26

ندّيها الفرصة تصلي
ولصرح إيمانها تعلّي
تقرا في مصحفها تملّي
ونقلل في المصاريف
اكرم ضيفك........... Www.uaekeys.com26

موش زوجتك تقضي في يومها
في المطبخ تهدر صومها
بتكتّر ليه في همومها
فكّر وبلاش تخاريف
اكرم ضيفك........... Www.uaekeys.com26

وفّر قرشك لفقير
مسكين وعياله كتير
هايشتّ من التفكير
يكفيه لو حتى رغيف
اكرم ضيفك........... Www.uaekeys.com26

الصوم دا عبادة عظيمة
موش أكل وقلة قيمة
ولا حلويات وبسيمة
ولا نوم يابو دم خفيف
اكرم ضيفك........... Www.uaekeys.com26

أنا بادعي الناس الصايمة
تلغي الإسراف م القايمة
تختار البركة الدايمة
وتخفّف م التكاليف
اكرم ضيفك........... Www.uaekeys.com26