هنون
مشرفة
عدد الرسائل : 2222
تاريخ التسجيل : 30/07/2008
 |  موضوع: حوار بين شخصين سمعهم ثقيل  27/12/08, 09:20 pm | |
| اثنين سمعهم ثقيل جداً واقفين على محطة الاتوبيس ودار بينهم الحوار التالي
الأول : الاتوبيس ده بيروح مــصر الجديدة؟
الثاني : على الحديدة !!... ليه انتطالب احسان ؟
الأول : بذرة الكتان !! لا ..دي تلاقيها عند العطار
الثاني : جزار!! اه ..قوللي كده .. عايز تشتري لحمة
الأول : معك حق.. الدنيا زحمة ..علشان ده ميعاد خروج الموظفين
الثاني : نور الدين !! لاوالله .. ماعرفوهش
الأول : ما بتشربوش!! ليه ..كفا الله الشر
الثاني : رأس البر !!! ..ده مــصيف هادي
الأول .: عايز تركب للمعادي... دي منطقة جميلة
الثاني : بليلة !! انت شكلك كده جعان
الأول : عيان!!! أي والله .انت باين عليك عيان ..طيب ما تروح للدكتور
الثاني: الحنطور!! ده احسن من الأتوبيس ، وبيوصلني لحد الباب
الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟؟
الأول : عاوزاسـبرين ! ليه انت عندك صداع ؟
الثاني : قراع !!! ينهار اسود . ده مرض خطير
الأول : فطير !!! لا والله مش عايز. وبعدين مش بأحب الفطير. تقيل على المعدة وتمنه غالي
الثاني: خالي !!! انت تعرف خالي ؟ ده راجل كبير في السن
الأول : الجن !!! نهارك مش فايت ..انت عليك عفريت .!؟
الثاني : لاوالله ..مامعييش.. انت عايز الكبريت ليه ؟ عايز تولع؟
الأول : أدلع !!! أدلع عليك انت!؟ انت ما تملاش عنيا
الثاني : يقبضوا عليا !! ليه !؟
الأول : انت غريب يا راجل انت..شكلك شحات ، ( يدفعه من القميص) روح اشتغل شغلة تاكل منها عيش
الثاني : خيش !!! والله ده صوف انجليزي
الأول: بنتك زيزي !!! ربنا يخلي...
الثاني : أنتاج محلي !!!! ده مستورد
يمر شاويش ... يلفت انتباه الحوار، : بتعمل ايه يا جدع منك له!!!
الاتنين: ايوة يا شاويش ...احنا مستنين الأتوبيس
الشاويش :جواسيس !!!! نهاركم مش فايت ....قدامي على القسم بسرعة | |
|
سما2000
المراقب العام
عدد الرسائل : 5444
العمر : 47
تاريخ التسجيل : 22/05/2008
| | موضوع: رد: حوار بين شخصين سمعهم ثقيل 27/12/08, 10:43 pm | |
| | |
|
مرمر
مشرفة
عدد الرسائل : 947
تاريخ التسجيل : 18/10/2008
| | موضوع: رد: حوار بين شخصين سمعهم ثقيل 30/04/09, 05:33 pm | |
| هههههههههههههه الشاويش :جواسيس !!!! نهاركم مش فايت ....قدامي على القسم بسرعة بجد حوارجااااااااااااااااامد اووووووووووووووووي مرسي هنون | |
|
فاطمة الزهراء
عدد الرسائل : 36
تاريخ التسجيل : 17/03/2010
| | موضوع: رد: حوار بين شخصين سمعهم ثقيل 25/06/10, 10:18 am | |
| هههههههههههههههههههههههاضحك الله سنك
| |
|
