سما2000 المراقب العام
عدد الرسائل : 5444 العمر : 47 تاريخ التسجيل : 22/05/2008
| موضوع: ســوّاهـا قـلبــي 31/10/08, 03:40 am | |
| سوّاها قلبي يا حبيبي وحبك
ما طاعني وآنا عن الحب ناهيه
الظاهر أنه ما يبي غير قـــــربك
عاف الجميع وأول الناس راعيه
عليه ما وصـّـيك لا صار جنبك
صبـّح علـــــيه بحب و بحب مسـّيه
نبضه وفا و بتضحياته يعجـْبك
صافي ولكن ما لقى من يصافيه
خلا دروب الكل و أخــــــــــتار دربك
داريه تكفى قد ما فيـــــك داريه
وابشر بقلب ٍ ما يبي غير قربك
يموت وغير محبتك ما سكن فيه
= = =
الجميل في الموضوع هو لحن الملحن
سهم
واداء الفنانة
أصالة
اللي يسمعها يقول مترعرعه في أحد أحياء مدينة الرياض
لكن كلمة يعجــْـبك
أخطأت في نطقها
لان هذي الكلمة لها ثلاث انواع من النطق
الاول هو الوقوف على العين والباء
والثاني هو الوقوف على الجيم فقط
والثالث الوقوف على العين فقط
والنطق الصحيح هو الثاني
لانه يناسب الوزن
وأصاله مرة تنطقها بالاولى ومرة بالثانية
مرة وحدة اللي نطقتها صح وهي اللي تغني فيها مع الكورس
طبعا القصيدة رائعة
خاصة المطلع وكعادة خالد المريخي في مطالعه الجميله
وأبو غنام جميل بكل قصائده
وما يميزه عن شعراء عصره
هو البساطه في وصف أعمق شعور للانسان
وشلون هذي .. مدري
المهم انه متميز وبس
واذكر انه قال بأحد امسياته الاخيرة بأنه سيترك الشعر الغنائي
ويتجه للاناشيد .. أو بمعنى اصح قال أنه يفكر بهذا الشي
طبعا أبو طبيع ما يترك طبعه
وأنا خابره زين .. وأعرفه أكثر مما يعرف نفسه | |
|